Tveir brasilískir leikmenn til liðs við Hörð frá Sorocabo

Jhonatan Cristiano Ribeiro Dos Santos, 24 ára miðjumaður, er genginn til liðs við Hörð frá Sorocabo eftir að félagið kláraði úrslitakeppnina síðustu daga í Brasilíu. Hann er sagður einstaklega lunkinn miðjumaður, eldfljótur og góður skotmaður. Félagið bindur vonir við að hann muni aðstoða strax í baráttunni í Olís deild karla.

Emannuel Agusto Evangelista kom til félagsins fyrir 2 vikum og er nú kominn með leikheimild. Hann er 21 árs markvörður og kemur einnig frá Sorocabo, sem er í efstu deildinni í Brasilíu. Hann er stór og stæðilegur markvörður sem hefur spilað fyrir yngri landslið Brasilíu undanfarin ár.

Félagið hlakkar til að sjá þá spreyta sig í treyjum Harðar í vetur.