Hörður fær tvo brasilíska leikmenn, Guilherme og Zeca

Guilherme Carmignoli De Andrade er 21 árs brasilísk skytta sem er genginn til liðs við Hörð frá Nacional Handebol í Brasilíu. Hann spilar jafnt sem skytta vinstra megin en einnig sem miðjumaður og vinstri hornamaður eftir þörfum. Guilherme er fastamaður í brasilíska U21 landsliðinu og hefur einnig spilað fyrir U23 landslið Brasilíu. Hann hefur skrifað undir 2 ára samning.

Jose Esteves Lopes Neto er örvhentur leikmaður í U23 landsliði Brasilíu. Hann spilar nú með Corinthians Guarulhos - VEGUS og lauk móti með liðinu í gær. Liðið hafnaði í öðru sæti eftir tap í úrslitaleik gegn Nacional.

Hörður hlakkar til að sjá þá leika í Harðartreyjunni í vetur.