Heimaleikur gegn Selfossi á Torfnesi klukkan 19:00

Leikdagur er runninn upp hjá Herði. Um er að ræða aðra tilraun til að spila heimaleik liðsins gegn Selfossi. Leikurinn fer fram klukkan 19:00 á Torfnesi.

Fyrir leik verður boðið upp á hamborgara og gos á 1.000 kr. VIP svæðið verður á sínum stað og hægt verður að kaupa miða í VIP í sjoppunni fyrir leik. Einnig verður afhending og sala á bleiku treyjunum fyrir leik.

Þeir sem komast ekki á leikinn geta horft á hann á YouTube rás Harðar, „Knattspyrnufélagið Hörður“. Félagið hlakkar til að sjá sem flesta.