Lið Harðar vöktu athygli á mótum í Reykjavík

Lið Harðar vöktu þónokkra athygli á mótum í 6. flokki og 5. flokki í Reykjavík um helgina. Búningar liðanna fengu mikla og jákvæða athygli og liðin buðu upp á góða spilamennsku.

6. flokkur karla sigraði alla sína fjóra leiki og vann sína deild. 5. flokkur karla tapaði úrslitaleik um sigur í sinni deild.

Þjálfarar annarra liða létu ummæli falla um lið Harðar. Um 6. flokk sögðu þeir: "Hrikalega vel spilandi lið", "Mikill bolti í þessum strákum" og "Þeir gætu hugsanlega bitið eitthvað frá sér í efstu deildinni (6 bestu lið landsins)". Um 5. flokk sögðu þeir: "Hörkustrákar", "Algjört run and gun lið, ekkert smá fljótir upp og hraður leikstíll" og "Enginn farþegi í liðinu, allir skiluðu miklu framlagi til leiksins og liðsins".