Þrír frá Herði á úrtaksæfingum fyrir U14 ára landslið drengja

Um helgina fóru fram úrtaksæfingar í Reykjavík hjá drengjum fæddum 2002. Æfingarnar eru fyrir þá sem vilja komast í U14 ára landslið Íslands. Haldnar voru 2 æfingar á laugardegi og 2 æfingar á sunnudegi.

Hörður átti 3 fulltrúa á æfingunum: Guðmund Arnar Svavarsson (miðjumann), Helga Hrannar Guðmundsson (markmann) og Ólaf Tryggva Guðmundsson (skyttu). Félagið segir þá glæsilega og verðuga fulltrúa Harðar.

Drengirnir eru nú á heimleið eftir æfingarnar fjórar í borginni. Hjá félaginu hlakka menn til að heyra á næstu æfingu hvernig leikmönnunum gekk.