Hörður tapaði fyrir Val2 í Vodafone Höllinni, 43-26

Meistaraflokkur Harðar mætti liði Vals2 í Vodafone Höllinni í kvöld. Í liði Vals2 voru margir reyndir og klókir leikmenn sem höfðu áralanga reynslu að baki í Úrvalsdeild. Í hálfleik var staðan 25-14 fyrir Val og lokatölur urðu 43-26.

Margt var þó mjög gott í leik strákanna og fengu allir að spreyta sig. Ungu leikmennirnir nýttu tækifærið vel, börðust og lögðu sig alla fram. Leikmenn 3. flokks skoruðu 8 mörk af 26 í leiknum.

Af leiknum er hægt að byggja mikið, og liðið og einstaklingar lögðu heilmikið inn í reynslubankann.