Handknattleiksdeild Harðar kynnti starfsemina í Grunnskóla Bolungarvíkur

Í morgun var farið í Grunnskóla Bolungarvíkur þar sem starfsemi deildarinnar var kynnt og miðum með æfingatöflu útdeilt. Tekið var gríðarlega vel á móti fulltrúum deildarinnar og kaffið og meðlætið á kennarastofunni var afar gott.

Strax seinna um daginn mættu þónokkrir krakkar frá Bolungarvík til að prófa að æfa.

Eftir er að fara í grunnskólana á Flateyri, Súðavík, Þingeyri og Suðureyri, og verða þær heimsóknir farnar á allra næstu dögum.