Hörður verður með lið í utandeildinni í vetur

Meistaraflokkur Harðar verður með lið í utandeildinni í vetur, líkt og síðasta vetur. HSÍ hefur ákveðið leikjafyrirkomulag vetrarins.

Leikið verður í tveimur 6 liða riðlum í október og byrjun nóvember. Að þeim leikjum loknum fara efstu 3 liðin úr hvorum riðli í 1. deild og neðri 3 liðin í 2. deild. Í deildunum verður leikin tvöföld umferð.

Í lokin verða 4 liða úrslit, þar sem 3 efstu lið 1. deildar fara í úrslit ásamt efsta liði 2. deildar. Hörður stefnir á að fara alla leið í utandeildinni og vinna titilinn sem er í boði.