Útihandbolti á síðustu æfingum og uppskeruhátíð á miðvikudag

Síðustu æfingar vetrarins eru að klárast. Í dag var óvenjuleg æfing þegar 6. flokkur, 5. flokkur og stúlknaflokkur æfðu útihandbolta eins og tíðkaðist á fyrri hluta 20. aldar.

Uppskeruhátíð handknattleiksdeildarinnar verður á morgun, miðvikudag, kl. 18-19 í Torfnesi. Farið verður yfir veturinn, veittar verða viðurkenningar, keppnir fara fram og boðið verður upp á grillaðar pylsur.

Allir iðkendur og foreldrar eru hvattir til að líta við. Grétar þjálfari vonast til að sjá sem flesta.