Bleikur október: treyjur Harðar komnar í sölu

Formleg sala á treyjum í tengslum við Bleikan október er hafin. Hægt er að panta þær með skilaboðum á Facebook eða Instagram eða með tölvupósti. Einnig verða treyjur til sölu á báðum heimaleikjum Harðar í október: 8. október gegn Selfossi og 30. október gegn Aftureldingu. Til eru barnastærðirnar 118-128 og 130-142 og fullorðinsstærðirnar S, M, L, XL og XXL.

Treyjurnar verða afhentar á báðum heimaleikjunum. Þeir sem búa á Ísafirði eða í nágrenni geta sótt þær á skrifstofu Sigurvonar alla virka daga milli 09:00 og 16:00. Þær verða einnig afhentar í íþróttamiðstöðvunum á Þingeyri, Suðureyri, Flateyri og í Bolungarvík á opnunartíma þeirra, og verður send vikuleg sending þangað eftir pöntunum og óskum. Þeir sem búa fyrir sunnan geta sótt treyjurnar á útileikjum Harðar í október, annars eru þær sendar með pósti, eins og til annarra landshluta.

Hægt er að greiða með korti eða millifærslu. Þeir sem fá treyjurnar sendar eða sækja þær í íþróttamiðstöðvar þurfa að greiða fyrirfram með millifærslu og senda kvittun í tölvupósti. Annars er hægt að greiða með korti á heimaleikjum Harðar eða þegar treyjan er sótt. Yfirskriftin er: Stöndum saman og sýnum lit.