Kenya Kasahara farinn til Grupa Azoty Unia Tarnów í Póllandi

Línumaðurinn Kenya Kasahara, kallaður Kasa, er genginn til liðs við Grupa Azoty Unia Tarnów í Póllandi. Harðverjar þakka honum fyrir hans hlut í velgengni félagsins og segja að í hjarta þeirra verði hann alltaf Harðverji.

Kasa lék 20 leiki og skoraði 49 mörk þegar liðið vann Grill 66 deildina á síðasta tímabili. Að sögn félagsins var hann alltaf tilbúinn eftir leiki til að heilsa upp á yngri Harðverja, leiðbeina þeim og sýna gott fordæmi.