Æfingatímar næsta vetrar í vinnslu hjá handknattleiksdeild Harðar

Verið er að setja niður æfingatíma næsta vetrar og verða allar upplýsingar birtar á síðunni á næstu dögum. Starfræktir verða meistaraflokkur, 4. flokkur, 5. flokkur, 6. flokkur, 7. flokkur og 8. flokkur. Vonast er til að mæting verði næg í alla flokkana og stefnt er að því að senda þá alla á Íslandsmót. Neðstu þrír flokkarnir eru blandaðir strákum og stelpum og stefnt er að því að efla kvennastarfið á næstu misserum.

Ingvar Örn hefur ákveðið að hverfa til starfa hjá Fjölni og er honum þakkað fyrir sitt framlag. Viðræður við nýjan þjálfara eru hafnar og vonast er til að hægt verði að upplýsa um þjálfara á næstu dögum.

Veturinn verður fullur af flottum viðburðum. Félagið stendur meðal annars fyrir Íslandsmóti í 5. flokki karla yngri í apríl og vonast er til að takist að fá annan landsleik í vetur, hvort sem það verður kvenna- eða karlaleikur.