Tveir sigrar hjá Herði gegn HKR, tap hjá 2. flokki gegn ÍR

3. flokkur Harðar vann HKR með 10 marka mun, 24-14, en staðan í hálfleik var 12-8. Fjórtán leikmenn voru á skýrslu og fengu allir að spreyta sig, þar á meðal tveir nýir leikmenn flokksins, þeir Ingó og Simbi. Sóli var markahæstur með 14 mörk.

Meistaraflokkur, skipaður kempunum og nokkrum leikmönnum úr 2. flokki, vann öruggan sigur á blönduðu liði frá HKR, 40-33. Einar á gröfunni skoraði að minnsta kosti 2 mörk og Hákon skoraði nokkur mörk. 2. flokkur tapaði fyrir góðu liði ÍR með sjö marka mun, 31-24.

2. flokkur spilar aftur við ÍR á sunnudag kl. 14:00 og eru áhorfendur hvattir til að mæta og styðja liðið. Frekari umfjöllun um leikina og pistlar frá leikmönnum 2. og 3. flokks koma á heimasíðu deildarinnar á næstu dögum.