2. og 4. flokkur Harðar í keppnisferð suður um helgina

Harðverjar héldu suður í keppnisferð um helgina. 2. flokkur lék gegn HK og Víkingi og voru leikirnir mun jafnari en áður. Í Víkinni voru 4 mínútur eftir af leiknum þegar sigur virtist vera innan seilingar, en heimamenn unnu leikinn. Liðið barðist vel og spilaði vel lengst af, og leikurinn var jafn frá upphafi til enda.

2. flokkur á aðeins 2 leiki eftir í vetur, báða gegn ÍBV. Þeir verða leiknir helgina fyrir páska í Reykjavík. Stefán og Baldvin hafa leikið sinn síðasta leik fyrir Hörð í bili og er þeim þökkuð samvinnan.

4. flokkur lék gegn HK á laugardag og gegn ÍR á sunnudag. Síðari leikurinn var tiltölulega jafn og spennandi þar til 10 mínútur voru eftir. Flokkurinn á 10 leiki eftir á tímabilinu.