2. flokkur Harðar mætir ÍR tvisvar í Austurbergi um helgina

2. flokkur Harðar leikur tvo leiki gegn ÍR-ingum í Austurbergi um helgina. Sá fyrri er á föstudagskvöld kl. 21:00 og sá síðari á laugardag kl. 13:00. Piltarnir keyra svo heim á sunnudag.

Handboltinn æfir ekki í Torfnesi á sunnudag vegna körfuboltabúða KFÍ. Hörður gaf eftir æfingatíma sinn til að hægt væri að halda búðirnar. Í færslu félagsins kemur fram að félögin á svæðinu eigi að styðja hvert annað í slíkum atburðum og nota helgarnar í heimsóknir að sunnan, mótahald og annað slíkt, gefist kostur á því.