Gísli Jörgen Gíslason fékk viðurkenningu fyrir tilnefningu til íþróttamanns Ísafjarðarbæjar

Gísli Jörgen Gíslason fékk viðurkenningu fyrir tilnefningu Harðverja til íþróttamanns Ísafjarðarbæjar fyrir árið 2013. Hörður tilnefndi hann í flokki fullorðinna, en vegna nýrra reglna um 16 ára aldur á því keppnisári sem tilnefnt er fyrir var hann fluttur í flokk efnilegra keppenda.

Á hópmynd eru þeir sem voru tilnefndir í tengslum við Hörð, þótt sumir þeirra komi frá öðrum félögum. Þar eru Gísli Jörgen, tilnefning Harðar sem handboltamaður, og Sigfús Fossdal kraftlyftingamaður, sem er markmaður old boys liðs Harðar. Einnig eru á myndinni Sigrún Gunndís knattspyrnukona, sem æfði einn vetur með 3. flokksliði Harðar, og Sigurður Óli kraftlyftingamaður, núverandi fyrirliði 2. flokks Harðar. Loks er þar Birkir Eydal blakmaður, leikmaður 4. flokks Harðar.