Hörður deildarmeistari í Grill 66 deildinni 2022

Hörður er deildarmeistari Grill 66 deildarinnar 2022. Félagið þakkar öllum sem komu á leikinn og segir stemninguna hafa verið algjörlega magnaða.

Handknattleiksdeild Harðar þakkar einnig öllum þeim sem lögðu fram hjálparhönd fyrir leikinn. Félagið segir mikils virði að eiga svona gott fólk að þegar haldnir eru viðburðir sem þessir. Styrktaraðilum er jafnframt þakkað sérstaklega og segir félagið að án þeirra væri þetta alls ekki hægt.

Hörður stefnir á að mæta til leiks í Olísdeildinni í haust.