Stærsti leikur í sögu Harðar í kvöld

Leikdagur er hjá Herði í kvöld og félagið segir þetta vera stærsta leik í sögu þess. Með sigri getur liðið tryggt sér sæti í efstu deild á næsta tímabili.

Í færslu félagsins er rifjað upp að ævintýrið hófst fyrir 3 árum. Þar segir að þetta hafi verið frábær upplifun og margar góðar minningar hafi orðið til á leiðinni.

Hörður þakkar öllum þeim sem hafa mætt á leiki liðsins undanfarin ár og hvetur stuðningsmenn til að mæta í kvöld. Félagið segir að leikurinn sé fyrir stuðningsmennina og að íþróttir væru lítils virði án þeirra.