Hörður mætir FH í Coca Cola bikar karla á miðvikudag

Leikur Harðar gegn FH, toppliði Olísdeildarinnar, í Coca Cola bikar karla fer fram á miðvikudaginn klukkan 18:00 á Torfnesi. YouTube-tengill með sýningu á leiknum verður birtur á miðvikudaginn.

Handknattleiksdeild Harðar biðst afsökunar á mistökum sem urðu við útsendingu á leik liðsins við ÍR um helgina. Viðburðarstofa Vestfjarða ákvað án leyfis stjórnar handknattleiksdeildarinnar að rukka fyrir hvert áhorf á leikinn. Deildin segir að þetta muni ekki koma fyrir aftur.

Stuðningsmenn eru hvattir til að fjölmenna í húsið á miðvikudaginn og styðja liðið.