Herði spáð 2. sæti í Grill 66 deild karla

Kynningarfundur Olís- og Grill 66 deildanna fór fram í gær. Fyrir fundinn kusu þjálfarar, leikmenn og formenn deildanna um árangur liðanna í deildunum í vetur.

Í Grill 66 deild karla er ÍR spáð sigri í deildinni en Herði frá Ísafirði er spáð 2. sæti. Í Grill 66 deild kvenna er Fram U spáð sigri og Selfoss er spáð 2. sætinu.

Í Olís deild kvenna er Fram spáð sigri en Valskonum er spáð 2. sæti. Nýliðum Aftureldingar er spáð falli. Í Olís deild karla er Valsmönnum spáð sigri og Haukar fylgja þeim fast á eftir samkvæmt spánni. Nýliðum HK og Víkings er spáð falli.

Kynningarfundinum var streymt á visir.is.