Töp gegn HK og KR í 2. flokki - Hörður1 mætir KR á morgun

Úrslit dagsins fóru Herði ekki í hag. Í fyrri leik dagsins léku 2. flokkspiltarnir gegn deildarmeisturum HK og var baráttan á köflum til staðar. Staðan í hálfleik var 11-22 og lokatölur 24-43 HK í vil, en sigurinn var aldrei í hættu.

Síðari leikur dagsins var erfiður frá upphafi fyrir Hörð2 gegn KR. Liðið náði sér aldrei á strik og leiknum lauk með 18-34 tapi eftir 7-14 í hálfleik.

Á morgun er fimmti og síðasti leikur helgarinnar á dagskrá. Þá taka deildarmeistarar Harðar1 á móti KR í síðasta deildarleik 4. flokks fyrir úrslitakeppni. Leikurinn hefst kl. 12:00 og eru allir hvattir til að mæta og styðja strákana.