Handboltahátíð í Torfnesi um helgina og gullverðlaun afhent á sunnudag

Næstu helgi fer fram mikil handboltahátíð í Torfnesi. 2. flokkur leikur tvo leiki og 4. flokkur þrjá leiki, en það eru lokaleikir deildarkeppni 4. flokks. Meðal leikja hjá 4. flokkspiltum er innbyrðisleikur Harðar1 og Harðar2.

Hörður1 fær afhent gullverðlaun frá HSÍ eftir leik sinn gegn KR á sunnudag. Sunnudagsleikurinn hefst kl. 12:00. Leikjaplanið er í mynd sem fylgdi færslunni.

Handknattleiksdeild Harðar hvetur foreldra og forráðamenn í öllum flokkum til að koma með eitthvað létt og girnilegt á hlaðborð eftir leikinn á sunnudag. Stefnt er að því að fagna með piltunum og þeim árangri sem 4. flokkur hefur náð. Vonast er til að sjá sem flesta á leikjum helgarinnar.