Hörður semur við þrjá leikmenn

Mikel Amilibia Arrista kemur til Harðar frá Spáni. Hann er 23 ára vinstri skytta sem á að baki 29 landsleiki fyrir yngri landslið Spánar og 26 fyrir U21 lið þeirra. Mikel kemur á tveggja ára samningi.

Levente Morvai er 21 árs ungverskur vinstri hornamaður og miðjumaður. Hann var á meðal efnilegustu leikmanna Ungverja á sínum tíma og kemur til Harðar til að ná sér á strik og ná hámarksárangri. Hann kemur einnig á tveggja ára samningi.

Kenya Kasahara kemur frá Toyota Auto í Japan. Hann er 33 ára línumaður og byrjunarmaður í japanska landsliðinu, 197 cm á hæð og spilar þrist í vörn. Hann mun styrkja liðið mikið varnarlega. Kenya er þekktur sem Kasa og er þessa dagana með japanska landsliðinu á ólympíuleikunum. Hlakkað er til að fá hann á Ísafjörð fyrir veturinn. Þessir þrír leikmenn eru boðnir velkomnir til Harðar.