Árlegt jólamót Harðar fimmtudaginn 13. desember

Árlegt jólamót félagsins verður haldið fimmtudaginn 13. desember frá kl. 14:30 til 17:20 með mjúkboltafyrirkomulagi. Leikið verður í 8 blönduðum liðum þar sem 1-2 iðkendur úr öllum flokkum mynda hvert lið. Í leikslok fá allir þátttakendur jólagjöf frá félaginu, en þeir þurfa að vera skráðir iðkendur.

Foreldrar, systkini og aðrir velunnarar eru hvattir til að koma á mótið og hvetja iðkendur félagsins. Næsta mót verður haldið eftir áramót og þar gætu foreldrar fengið að skipa 1-2 lið.

Á föstudag kl. 18:00 leikur 4. flokkur Harðar bikarleik gegn Fram. Þetta er síðasti leikur ársins. Mótið á fimmtudag og leikurinn á föstudag fara fram í Torfnesi.