Hörður hafnaði í 7. sæti U18 á alþjóðlegu móti

Síðasti leikur Harðarpúkanna á mótinu var gegn öflugu liði Bratislava, sem tryggði sér sæti í undanúrslitum með sigri. Niðurstaða Harðar varð 7. sæti mótsins af 16 liðum sem hófu keppni í aldursflokknum U18.

Markmiðið var að komast í A-úrslit, sem þýðir topp 8, og það tókst. Lengra komst liðið ekki að þessu sinni og er bensínið búið hjá drengjunum, segir í færslu félagsins. Harðarpúkarnir stóðu sig vel á mótinu.

Framundan er ferð til Friðrikshafnar í dag og diskótek í kvöld. Á morgun er förinni heitið til Kaupmannahafnar, þar sem hópurinn ætlar að slaka á, versla og fara í tívolí í tvo daga áður en haldið er heim.