5. flokkur eldri hjá Herði: tap gegn Þór og sigur á Selfossi

Strákarnir í 5. flokki eldri léku í nýrri deild í gær. Í fyrsta leiknum töpuðu þeir gegn Þór frá Akureyri með minnsta mun, einu marki. Þeir fengu rúmlega hálftíma hvíld fyrir næsta leik, sem var erfiður gegn flottu liði Selfyssinga. Harðarpúkarnir komu til baka og unnu þann leik með sama mun og sá fyrri tapaðist á. Baráttan og leikgleðin var til fyrirmyndar á löngum köflum.

Í dag eru tveir leikir framundan hjá strákunum gegn sterkum liðum HK og ÍBV.

Þá er minnt á leik 2. flokks Harðar kl. 14:00 í dag, laugardag. Þróttarar koma í heimsókn í Harpixhöllina á Torfnesi.