Hörður slítur samstarfi við Sergio Barros

Handknattleiksdeild Harðar hefur ákveðið að slíta samstarfi við Sergio Barros með tafarlausum áhrifum. Ástæðan er hegðun sem var ekki í samræmi við kröfur og gildi félagsins.

Í ákvörðuninni er tekið tillit til framkomu bæði innan vallar og utan sem hafði áhrif á faglegt umhverfi í kringum liðið. Félagið gerir kröfu um skuldbindingu, virðingu og fagmennsku af öllum sem koma fram fyrir þess hönd.

Félagið þakkar Sergio fyrir tímann á Ísafirði og mun ekki tjá sig frekar um málið.