Gunnar Ingi Hákonarson er Harðverji ársins

Handknattleiksdeild Knattspyrnufélagsins Harðar hefur ákveðið að veita Gunnari Inga Hákonarsyni, fæddum 2006, titilinn Harðverji ársins. Deildin beinir jafnframt þeirri eindregnu ósk til Ísafjarðarbæjar að hann hljóti hvatningarverðlaun þegar íþróttamaður ársins er kynntur af sveitarfélaginu.

Gunnar Ingi lenti í alvarlegu umferðarslysi fyrir rúmum átta vikum. Að sögn deildarinnar hefur hann mætt hverjum degi af miklum styrk, skref fyrir skref. Harðverjar segjast djúpt snortnir og afar stoltir af honum og lýsa honum sem fyrirmynd, ekki aðeins sem íþróttamanni heldur sem manneskju.

Stórfjölskylda Gunnars hefur stofnað styrktarreikning til að mæta kostnaði sem fylgir þessu verkefni. Reikningsnúmerið er 0154 05 401770 og kennitalan 2411815969.