Hörður vann HK2 41-25 og á þrjá sigra í röð í deildinni

Meistaraflokkur karla vann öruggan sigur á HK2 í gær, 41-25. Félagið þakkar HK fyrir að skipta á heimaleik með litlum fyrirvara eftir óvænt vatnsleysi á Ísafirði. José Esteves (Zeca) var markahæstur með 13 mörk. Edvards Toks skoraði sín fyrstu mörk í meistaraflokki, en hann er fæddur 2009.

Stefán Freyr Jónsson átti góðan leik í markinu í fyrri hálfleik og Hermann Alexander Hákonarson stóð vaktina í markinu í seinni hálfleik. Allir leikmenn liðsins spiluðu vel. Liðið á nú þrjá sigra í röð í deildinni og næst er það Selfoss2 á útivelli á laugardaginn næsta.

4. flokkur spilar heimaleik kl. 15 á Torfnesi í dag. Næsta helgi er útivallahelgi með þremur leikjum í 4. flokki, tveimur í 3. flokki, einum hjá varaliði meistaraflokks og einum hjá meistaraflokki í Grill 66 deildinni. Tímabilið hófst á útileikjum gegn Gróttu, ÍBV2, Fram2 og HK2 og einum heimaleik gegn ÍH. Næsti heimaleikur er aðra helgi gegn Víkingi.