Hörður tapaði fyrir ÍBV2 í bikarkeppni HSÍ

Lið Harðar tapaði gegn ÍBV2 í bikarkeppni HSÍ. Leikurinn hófst kl 19.30 á mánudagskvöldi, þrátt fyrir ítrekaðar óskir Harðar um að spila fyrr svo ferðalagið heim yrði manneskjulegra. Liðið spilaði síðast á laugardaginn gegn ÍH og ferðaðist á sunnudag og mánudag fyrir þennan leik. Hörður þakkar leikmönnum og sjálfboðaliðum fyrir tímann sinn.

Hörður segist hafa gert athugasemd við dómara leiksins og framkvæmdastjóra HSÍ fyrir leikinn vegna aldurs þeirra sem sátu við ritaraborð. Félagið segir að klukkustund fyrir leik hafi enginn verið mættur frá ÍBV á tæknifund og að skýrsla frá ÍBV hafi verið tilbúin hálftíma fyrir leik. Hörður segir að dómarar leiksins geti staðfest það.

Að sögn Harðar tók þjálfari liðsins leikhlé undir lok leiksins þegar Hörður var með boltann í jöfnum leik. Félagið segir að ungur ritari hafi hringt bjöllunni töluvert seinna, um 5 sekúndum eftir að leikhlé var beðið um, og að dómarar hafi samt dæmt sóknarbrot á Hörð. Hörður telur að brotið hafi ekki verið brot, og að dómarinn hafi ekki viljað horfa á upptöku. Félagið beinir því einnig til HSÍ að gera meiri kröfur til félaga.

Hörður leiðréttir jafnframt frásögn Handkastsins og segir að Pedro Nunes, þjálfari Harðar, hafi ekki hótað neinum og að dómarar leiksins hafi ekki þurft lögreglufylgd.