Óskar nýr handboltaþjálfari Harðar – tækniæfingar fyrir 5. og 6. flokk

Óskar er nýr handboltaþjálfari Harðar. Fimm dagar eru liðnir síðan hann kom á svæðið og hann þakkar öllum fyrir góðar móttökur. Handboltastarfið hjá Herði er nú farið á fullt eftir erfiðan septembermánuð. Æfingataflan er birt á síðunni.

Nokkrar breytingar hafa orðið á æfingatöflunni. Þar sem nokkrar æfingar hefjast snemma, bæði á Ísafirði og í Bolungarvík, verða þær svokallaðar tækniæfingar með áherslu á einstaklingsmiðaðar æfingar. Það á einnig að auðvelda krökkunum að sækja æfingarnar.

Á þriðjudögum kl. 14:00 verða tækniæfingar á Ísafirði fyrir 6. og 5. flokk. Á fimmtudögum kl. 14:20 verða tækniæfingar fyrir 6. og 5. flokk í Bolungarvík. Æfingarnar eru fyrir stelpur og stráka. Óskar vill gjarnan byrja með öflugt handboltastarf fyrir stelpur og hvetur allar stelpur til að mæta.