Hörður handbolti þakkar sjálfboðaliðum á degi sjálfboðaliðans

Á degi sjálfboðaliðans vill Hörður handbolti þakka öllum þeim einstaklingum sem gefa tíma sinn og krafta til félagsins. Sjálfboðaliðar leggja sitt af mörkum á leikdögum, á æfingum og á bakvið tjöldin við ýmis verkefni.

Félagið segir framlag þeirra ómetanlegt og að það skipti sköpum fyrir starfsemi félagsins. Sjálfboðaliðarnir eru að sögn félagsins hjartað í samfélaginu og án þeirra væri ekkert félag.