Hörður deildarmeistari í 4. flokki karla eftir sigur á HK

Hörður varð í dag deildarmeistari í sinni deild í 4. flokki karla. Liðið lék við HK í Torfnesi klukkan 14 og vann góðan sigur, 22-16. Með sigrinum tryggðu drengirnir sér efsta sæti deildarinnar og þar með deildarmeistaratitilinn.

Framundan er úrslitakeppni hjá strákunum eftir rúma viku. Félagið þakkar fyrir veturinn og segir drengina vel að titlinum komna.

Næsta stóra verkefni Handknattleiksdeildarinnar er Skeljungsmótið 2017, sem hefst á morgun. Búist er við 23 keppnisliðum vestur og miklu fjöri alla helgina.