Margir leikir hjá Herði um helgina

Leikmenn 4. og 3. flokks fóru af stað á föstudaginn fáliðaðir. Meistaraflokkur átti líka leiki um helgina og var haft samband við Harðverja búsetta í Reykjavík til að manna leiki hans. Leikmenn 3. flokks léku einnig með meistaraflokki og leikmenn 4. flokks léku með 3. flokki, svo álag var mikið á þeim.

Á föstudegi tapaði meistaraflokkur fyrir Hvíta Riddaranum. Á laugardegi spiluðu allir þrír flokkarnir. Meistaraflokkur tapaði fyrir Víkingum og bæði 3. og 4. flokkur töpuðu með einu marki. Leikur 3. flokks við Hauka var mögulega sá besti hjá liðinu í vetur, þótt aðeins fjórir leikmenn liðsins séu á 3. flokks aldri. 4. flokkur lék við HK, byrjaði illa en sýndi sitt rétta andlit síðar í leiknum. HK-ingar náðu þó forskoti í lokin og leikurinn tapaðist.

Á sunnudag var ekið á Selfoss, þar sem 3. og 4. flokkur léku við Selfyssinga. 4. flokkur sótti eitt stig á síðustu sekúndu leiksins. 3. flokkur þurfti að treysta á framlag fárra leikmanna úr 3. flokki og þreytta leikmenn úr 4. flokki, og fór megnið af leiknum í að æfa skynsamlega spilamennsku í erfiðum aðstæðum. Framundan er langt ferðalag frá Selfossi. Myndbrotið með færslunni er úr leik 4. flokks við Selfoss.