Fimm leikir hjá 3.flokki og 4.flokki Harðar um helgina

Hörður lék fimm leiki um helgina í tveimur flokkum. 3.flokkur spilaði einn leik í bikarkeppni og einn í deildarkeppni. 4.flokkur spilaði einn bikarleik og tvo deildarleiki. Á föstudaginn léku báðir flokkarnir í bikarnum gegn sterkum mótherjum: 3.flokkur við Gróttu og 4.flokkur við A-lið Hauka. Báðir leikirnir töpuðust.

Á laugardeginum tapaði 3.flokkur fyrir ÍR með þriggja marka mun. Strákarnir í 3.flokki voru aðeins fimm og fengu því litla hvíld. Strax eftir ÍR leikinn spilaði 4.flokkur við Stjörnuna, en það var þriðji leikur þeirra á 16 klukkustundum. Stjörnumenn lánuðu Herði leikmann svo hægt væri að spila sjö á móti sjö. Leikurinn var fjórði leikur drengjanna á 18 klukkustundum og endaði með sigri Stjörnunnar, 24-22.

Á sunnudeginum léku strákarnir í 4.flokki fimmta leik sinn um helgina, gegn Haukum í deildarkeppninni. Hörður var með sex leikmenn á móti sjö hjá Haukum fyrsta korterið, en eftir það léku liðin jafnmörg. Hörður minnkaði muninn í upphafi seinni hálfleiks, náði góðri forystu og vann leikinn 25-20. Grétar þjálfari þakkar andstæðingum, stuðningsmönnum, dómurum, fararstjórum og strákunum fyrir helgina.