Hörður semur við þýska markvörðinn Jonas Maier

Hörður hefur gert samning til tveggja og hálfs árs við þýska markvörðinn Jonas Maier. Hann mun leika með liðinu og jafnframt starfa sem markvarðaþjálfari yngri flokka félagsins.

Jonas hóf atvinnumannaferil sinn árið 2012 hjá Rhein-Neckar Löwen og fór árið 2013 til Kadetten Schaffhausen, þar sem hann lék til 2015. Þaðan lá leiðin til TBV Lemgo (2015-2017), TVB 1898 Stuttgart (2017-2019), SG BBM Bietigheim (2019-2020) og Handball Sport Verein Hamburg (2020-2022). Árið 2021 var hann um skamma hríð lánaður til HSG Nordhorn-Lingen. Síðast lék hann með DJK Rimpar Wölfe áður en hann gekk til liðs við Hörð.

Endre Koi þjálfari segist sérstaklega ánægður með komu Jonasar. Hann segir mikla reynslu hans frá fjölmörgum sterkum félögum henta metnaði Harðar og að hlutverk hans sem markvarðaþjálfari yngri flokka verði mikilvægt. Jonas Maier er boðinn velkominn til Harðar.