Carlos Martin Santos þjálfar ekki Hörð næsta tímabil

Handknattleiksfélagið Hörður á Ísafirði greindi frá því 26. júlí 2023 að aðalþjálfarinn Carlos Martin Santos hafi ákveðið að uppfylla ekki skilmála samnings síns fyrir komandi tímabil. Félagið segist hafa reynt síðustu vikur að fá hann til að halda áfram en ekki náð samkomulagi. Félagið virðir ákvörðun hans, þakkar honum fyrir og segir hann alltaf munu teljast Harðargoðsögn sem sé ávallt velkomin á Ísafjörð og í félagið.

Carlos þjálfaði Hörð í fjögur ár. Fyrsta árið lék liðið í næstefstu deild og vann þrjá sigra í tímabili sem var stytt vegna COVID-19. Þriðja árið telur félagið vera tímamót, en þá vann liðið 18 sigra og tapaði aðeins tveimur leikjum. Á síðasta tímabili liðsins í efstu deild lék það 22 leiki og gerði tvö jafntefli. Félagið segir að áhrif Carlosar hafi verið mikil, bæði hjá meistaraflokki og ekki síst í yngri flokkum, þar sem hann hafi hlúð að efnilegum leikmönnum.

Hörður ætlar að tilkynna um nýjan aðalþjálfara á næstu dögum. Einnig verða kynntir nýir leikmenn í meistaraflokk í þessari viku.